அறிந்துகொண்டவற்றில் பகிர்ந்துகொண்டவை ! தொகுப்பு (14/04 - 22/04 )

சென்ற வாரம்(15/04 - 22/04) பேஸ்புக்கிலும் டுவிட்டேரிலும் பகிர்ந்த சில முக்கிய தகவல்களை இதில் தொகுத்துள்ளேன் .

என் பகிர்வுகளை தவற விடுபவர்கள் வாராவாரம் இந்த வலைப்பதிவில் வந்து பார்க்கலாம் .

========================================================================

எழுத்தாளர் சுஜாதா அவர்களுடன் கோபிநாத் அவர்கள் மேற்கொண்ட அரிய கலந்துரையாடல் இது .

தனக்கு எழுத்தின் மீது எப்படி ஆர்வம் உண்டானது என்பது பற்றியும் , தன் படைப்புகள் பற்றியும் ஆரம்பம் பற்றியும் மனம் திறக்கிறார் சுஜாதா அவர்கள் .

========================================================================

தில் படத்தில் ஒரு பாடலில் " ஹிட்லர் காலத்தில் அந்த சாலி சாப்ளின் தில் " என்று ஒரு வரி வரும் . அந்த கவிஞர் என்ன சொல்ல வருகிறார் என அறிய கீழே உள்ள தகவலை வாசியுங்க .


சார்லி சாப்ளினை அனைவருக்கும் நகைச்சுவையாளனாக தான் அறிந்திருப்பீர்கள் . ஆனால் அவரின் சிந்தனைகள் உயரியவை . உலகை மாற்றும் ,சமாதானத்தை கொண்டுவருவதற்காக தயாரிக்கும் வீடியோக்கள் அனைத்திலும் சாப்ளினின் இந்த வார்த்தைகள் இல்லாமல் வருவதை கவனித்ததில்லை .

ஹிட்லர் தனது சர்வாதிகாரத்தை நிறுவிக்கொண்டிருந்த காலகட்டத்தில் சார்லி சாப்ளின் ஹிட்லேரை விமர்சித்து "The Great Dictator " எனும் திரைப்படத்தை எடுத்தார் . ஆனால் இவை இப்போதும் உயிர்ப்புடன் இருக்கும் வசனங்கள் . ஏழு நிமிட வீடியோ இது .

========================================================================
சென்ற வாரம் முக்கியமான நிகழ்வாக இந்திய /உலக அரங்கில் பேசப்பட்டது அக்னி ஏவுகணை V பற்றியே .

அக்னி II 2000 கிலோ மீடேர்களில் உள்ள இலக்கை தாக்க கூடியது . அக்னி III 3500 , அக்னி V 5000 கிலோமீடர்களை தாண்டக் கூடியது என்பது குறிப்பிடத்தக்கது . ஆனால் சீனாவோ இது ஐரோப்பா வரை சென்று தாக்கும் வல்லமை படைத்தது .8000 கிலோ மீட்டர்கள் வரை செல்லும் என கூறியது .

அக்னி ஏவுகணையை உருவாக்க முக்கிய பங்காற்றியவர் டெஸ்ஸி தாமஸ் என்கிற பெண்மணி என்பது குறிப்பிடத்தக்க விடயம் . [மேலதிக தகவல்களுக்கு : BBC ]

========================================================================


இசை / ரகுமான் பிரியர்களுக்கான பகிர்வாக இது அமைந்தது . வழக்கம் போல இசை தேடலை  மேற்கொள்ளும் போது அகப்பட்டது . 


ரோஜா முதல் எந்திரன் வரை 350 பாடல்களில் இருந்து இசை தொகுப்புகளாக . 80 நிமிடங்கள் நீள்கிறது இந்த தொகுப்பு . 

========================================================================

ஒரு மொழியின் முக்கியத்துவத்தை சொல்லும் மிக முக்கியமான நிகழ்வு இது . இதனை செல்லினம் அறிமுகப்படுத்திய முத்துநெடுமாறன் அவர்கள் ஒரு செவ்வியில் பகிர்ந்திருந்தார். செல்பேசிகளில் தமிழ் குறுஞ்செய்திகளை அனுப்பும் மென்பொருள் தான் செல்லினம் .

செல்லினத்தை 2005 ஆம் ஆண்டு பொதுப்பயனீட்டுக்காக வெளியிட்ட நாளுக்கு மறுநாள் பலர் செல்லினத்தை நேரடியாகத் தரவிறக்கும் சிக்கல் ஏற்பட்டது. அதில் ஒருவரை நேரடியாகச் சந்திக்கும் வாய்ப்பு ஏற்பட்டது. 

அவர் காண்ட்ராக்ட் தொழிலாளியாக இந்தியாவில் இருந்து சிங்கப்பூருக்கு வந்து வேலை செய்துகொண்டிருந்தார். அவர் என்னிடம் வந்து தன்னுடைய Samsung போனைக் கொடுத்து இதில் தமிழ் போட்டுக்கொடுங்க எனக்கு ரொம்ப அவசியமாத் தேவைப்படுது நான் வந்து வீட்டுக்கு அடிக்கடி தொடர்பு கொள்ளணும்னு.

நான் உடனே “இப்பதான் நீங்க போனில் அழைப்பதற்கான வாய்ப்புக்கள் சுலபமாக இருக்கே காலேல ஒருதடவை போன் பண்ணிக்கலாம், சாயந்திரம் இன்னொரு வாட்டி அழைக்கலாம் இப்படி உங்க மனைவி கிட்ட ஒவ்வொரு நாளும் பேசலாமே இப்படி இருக்கையில் இந்த செல்லினத்தை ஏன் முக்கியமாகக் கருதுறீங்க என்று நான் கேட்ட போது அவர் சொன்னார்.

“என் மனைவிக்குப் பேச வராதுங்க”

கண்கலங்கிப் போய்விட்டேன். பல பொதுமேடைகளில் எனக்கு அங்கீகாரம் எனக்குக் கிடைத்திருக்கின்றது ஆனால் இவருடைய சந்திப்பு மறக்கமுடியாதது. என்றார் முத்து நெடுமாறன்

பகிர்வுகள் தொடரும் .........