விமர்சனம் - எந்திரன்- சுஜாதா ?! அறிவியல் ?!!

திரைப்படங்கள், சிறந்த படைப்பு என்பது வெறுமனே ஒரு தனிமனிதனை மட்டும் கொண்டு நிர்மாணிக்கப்படுவதில்லை. ஆனால்  எல்லா வியாபார நோக்கர்களும் சேர்ந்தால் ஒரு படம் எப்படி வரும் என்பது எந்திரனில் தெரிகிறது . வெறும் ரஜனி என்கிற மாயையை வைத்து ஒரு சிறந்த எழுத்தாளர் கற்பனையை  மழுங்கடிக்கும் நிகழ்வு எந்திரனில் நடந்தேறியிருக்கிறது . தொழில்நுட்பம் பாவித்தமை ,சுஜாதாவின் எழுத்தை பாவித்தமைக்கு மட்டுமே பாராட்டுகள் .

எந்திரனை அனைத்து திறமையுடனும் உருவாக்கும் விஞ்ஞானி ரஜனி , அதற்க்கு தேவை ஏற்ப்படும் போது உணர்வுகள் பற்றி  சொல்லி கொடுக்க ஐஸ்வர்யாராயை காதலிக்கிறது . இதனால் அதே விஞ்ஞானி ரஜனி அந்த எந்திர ரஜனியை அழிக்க ,அதே எந்திர ரஜனி வேறொரு விஞ்ஞானியால் இன்னொரு வில்லன் ரஜனியாக உருவெடுக்கிறார் . எல்லாமே ரஜனி மயம் . இது போதாதென்று அந்த ரஜனி உருவாக்கும் நூற்றுக்கணக்கான எந்திரன்களும் ரஜனி தான் . முழுவதுமாக ரஜனி தான் .அந்த கதையே ரஜனி கதை தான் . சுஜாதாவினது அல்ல .

படத்தின் முதல் பாதி நேர்த்தியாக சென்றது .பல இடங்களில் சுஜாதாவின் வசனங்கள்  மின்னியது . வீதி  போலிஸ்  உன்னுடைய முகவரி என்ன என எந்திரனிடம் கேட்க்க  எனக்கு முகவரி கிடையாது ஐ பி முகவரி தான் .192 .68 .௦.1. என்பது என்ன நக்கலா என்ற போது நிக்கல் என்பதும் சரி அனைத்தும் பாமரனையும் தொழில்நுட்பம்  அடையவேண்டும் என்ற ஒரே நோக்கில் சுஜாதாவின் எழுத்துக்கள் தெரிந்தன .ஆனால் திரைப்படம் எவ்வாறு என்பது நீங்களே பார்த்து தெரிந்து கொள்ளுங்கள் .

கடைசி இறுதி நிமிட தொழில்நுட்பம் சிறுபிள்ளைத்தனமாக இருந்தாலும் தொழில்நுட்பத்தை  பாவித்தமைக்கு பாராட்டுகள் . இதை தான் தேர்மினட்டர் ,அவதார் தொழில்நுட்ப்பவியலாலர்களிடமிருந்து எடுக்க முடிந்திருக்கிறது .

ரகுமானின் பாடல்கள் செவிவழி மட்டும் கேட்க்கும் போதே மிகவும் தரமாக இருந்தது ஆனால் வழமையான ஷங்கர் பாடல் காட்ச்சியமைப்புகளில் ரசனையற்ற தன்மையே வெளிப்பட்டது .
அதே பின்னாலே நூறு பேர் ஆடும் பாணி .இது தான் பிரம்மாண்டமா? இதுவரை மனிதர்கள் இப்போது நூறு எந்திரங்கள் .
பாடல்கள் ரகுமானால் உயர் தரத்தில் அமைக்கப்பட்டிருந்தாலும் காட்ச்சியமைப்புகள் கீழ்த்தரமான ரசனையை கொண்டவை . பணம் இருந்தால் யாரும் எடுக்க முடியும் என்ற காட்ச்சியமைப்புகள் சிறப்பானதாக இல்லை .

 தொப்புள் கோடி குழந்தையை சுற்றியவுடன்  பழைய பாட்டி கால முறை போல இதில் விலா எலும்பை நகர்த்தி பிரசவம் பார்க்கும் வழி  முறையை எந்திரன் செய்வது போல காட்சி  ஒன்று அமைக்கப்பட்டிருக்கும் . இதில் சுஜாதாவின் பங்கே இருப்பது தெரிகிறது . ஆனாலும் பாராட்டப்பட வேண்டிய காட்சி செருகல் .
சுஜாதாவின் என் இனிய இயந்திராவும் , மீண்டும் ஜீநோவும் வாசித்தவர்களுக்கு இன்னும் ஏமாற்றம் தான் ,...
இது முழுக்க முழுக்க மசாலா கலந்த ஒரு குறிப்பிட்ட ரசனை உள்ள ரசனையாளர்களை திருப்திப்படுத்த எடுக்கப்பட்ட படம் . எந்திரன் பற்றிய தகவலோ அறிவியலோ மக்களை போய் சேரவேண்டிய இடத்தில் ரஜனியே போய் சேர்ந்திருக்கிறார் . - இதை உலகத்தரத்துக்கு(இந்தியாவை தாண்டி ) ஏற்றி அவமானப்படுத்துவதன் காரணம் தெரியவில்லை .